Tanınmış şair-publisist, Əməkdar mədəniyyət işçisi Qəşəm Nəcəfzadə 1959-cu ildə İmişli rayonunda anadan olub. 1981-ci ildə Kirovabad Dövlət Pedaqoji İnstitutunun Ədəbiyyat fakültəsini bitirib. Uzun illər orta məktəb və universitetlərdə ali kateqoriyalı ədəbiyyat müəllimi işləyib. Azərbaycan Yazıçılar Birliyinin “Azərbaycan” jurnalında poeziya şöbəsinin müdiri, uşaq ədəbiyyatı seksiyasının rəhbəri və Azərbaycan Yazıçılar Birliyinin üzvüdür. “Qızıl kəlmə” və “Milli kitab” mükafatı laureatıdır. 30-dan artıq kitabın müəllifidir. Şeirləri 20-dən çox dilə tərcümə edilib.