Amerika Riyaziyyat Müsabiqələri (The American Mathematics Competitions – AMC) orta məktəb şagirdləri üçün nəzərdə tutulmuşdur və 1950-ci ildən başlayaraq üç yaş qrupu üzrə keçirilir (AMC 8, AMC 10 və AMC 12). Bu müsabiqələrin məqsədi xüsusi riyazi istedada malik olan orta məktəb şagirdlərinin müəyyən edilməsidir. Amerika Birləşmiş
Ştatlarında bu müsabiqələrin nəticələrinə böyük önəm verilir və bu nəticələr hətta Massaçusets Texnologiya İnstitutu kimi bir sıra məşhur ali məktəblərdə tələbə seçimində nəzərə alınır.

AMC 8 orta məktəbin VI-VIII sinif şagirdlərini əhatə edir. Təqdim edilən kitabda AMC 8 səviyyəsində test şəklində hazırlanmış və 2000-2020-ci illərdə təklif edilmiş 525 məsələnin mətni və onların doğru cavabları verilmişdir. Bu məsələlər toplusu hər birində 25 məsələ olmaqla 21 başlıqda
cəmlənmişdir.

Kitab riyaziyyatla maraqlanan və məsələ həll etməyi sevən orta məktəb şagirdləri üçün nəzərdə tutulmuşdur. Bu toplu riyazi dərnəklərə rəhbərlik edən, riyaziyyatdan olimpiadalar və başqa tipli yarışlar keçirən müəllimlər üçün də dəyərli vəsait ola bilər.
f.r.e.d., professor N.B.Kərimov