Elə olubmu ki, nə qədər axtarsanız da, co­rabınızın bir tayını tapa bilməmisiniz? Sanki yer aralanıb, onlar da içinə girib. O anda heç özünüzdən soruşmusunuzmu ki, itən corabların aqibəti necə olub, onların başına nə iş gəlib? Həəə, bu maraqlı sualın cavabı bir çoxları üçün olduqca maraqlıdır. Bu kitabın müəllifi Yustina Bednarek, deyəsən, bu əsrarəngiz sualın cavabını bilir. O, “Evdən qaçan 10 corab tayının qeyri-adi sərgüzəştləri” kitabında evdə yoxa çıxan 10 corab tayının başına gələn qəribə hadisələrdən bəhs edir.